English
Somali
Guddiga Madaxa-Bannaan ee Doorashooyinka Qaranka iyo Soohdimaha ayaa kulan qiime leh la qaatay qaar ka mid ah culummada Soomaaliyeed. Kulanka oo uu shir-guddoominaayey Guddoomiyaha Guddiga Md Cabdikariin Axmed Xassan ayaa ujeeddadiisu waxay ahayd latashiga Culummada iyo dhageysiga talooyinkooda ku aaddan hirgelinta doorashooyinka dalka ee qof iyo cod (1P1V).
Culummada ayaa markii ay dhageysteen Guddiga iyo qorshahooda waxqabad, waxay bogaadiyeen dadaalka Guddigu muujiyeen muddada kooban, isla mar ahaantaana waxay siiyeen talooyin qiima badan oo ay ka mid tahay inay shaqadooda u gutaan si daacadnimo iyo Alle ka cabsi ah. Ugu dambeyn, culummadu waxay ugu duceeyeen Guddiga in Ilaahay la garabgalo gudashada waajibaadkooda qaran.
July 15, 2025
